İraq Respublikasının Kürdüstan Regional Hökumətinin Daxili İşlər Nazirliyi (2017)

Köhnəlmiş idarəetmə üsullarından asılılıq şəffaflığın və bir-biri ilə sıx əlaqəli proseslərin avtomatlaşdırılmasının yetərli səviyyədə olmamasına gətirib çıxarmışdır. Müasir texnologiyaların dövlət idarəçiliyinə inteqrasiya edilməməsi isə vətəndaşlara dövlət xidmətlərinin göstərilməsində yüksək səviyyədə səmərəsizliyə səbəb olmuşdur.

SINAM tərəfindən təklif olunan elektron hökumət xidmətlərinin tətbiqi Kürdüstan Regional Hökumətinin Daxili İşlər Nazirliyinə dövlət xidmətlərinin göstərilməsini optimallaşdırmağa, dövlət məlumatlarının şəffaflığını təmin etməyə, biznes və sənaye subyektləri ilə qarşılıqlı əlaqəni təkmilləşdirməyə imkan verəcəkdir. Əməliyyat səmərəliliyinin və şəffaflığın artırılması idarəetmədə nöqsanların və korrupsiya hallarının azalmasına, bürokratiyanın və xidmətlərin göstərilməsində yaranan gecikmələrin minimuma endirilməsinə gətirib çıxaracaqdır.

Daxili İşlər Nazirliyi, SINAM şirkəti və “ASAN xidmət” arasında tərəfdaşlıq təsdiq edildikdən sonra layihənin texniki tələblərini əks etdirən hesabatın hazırlanmasına SINAM cavabdeh olmuşdur.

Dövlət qulluqçuları ilə vətəndaşlar arasında şəffaf və hesabatlı qarşılıqlı əlaqəni təmin edən “Vahid pəncərə” sistemi;

Hökumət ilə əhali arasında etimadın möhkəmləndirilməsi məqsədilə Kürdüstan vətəndaşlarına xidmətlərin daha operativ göstərilməsi;

Bölmələr və struktur vahidləri arasında kağız əsaslı əməliyyatların azaldılması;

Korrupsiya səviyyəsinin aşağı salınması;

Dövlətin əməliyyat xərclərinin azaldılması və bunun nəticəsində hər il milyonlarla vəsaitə qənaət edilməsi.